【牙科小歷史｜世界上第一個牙科學位？🦷🎓】

而家講起牙醫，好自然就會諗到「大學牙科學院」。但其實，牙科成為一門正正式式的大學專業，其實都唔算好耐以前嘅事。

1840 年，美國巴爾的摩成立咗全球第一間專門牙醫學校——Baltimore College of Dental Surgery，開始頒授牙科學位，標誌住牙科由傳統手藝，正式走向有制度的專業教育。

之後唔同牙科學位名稱慢慢出現。當中一個趣事係：哈佛大學係第一間用「DMD」學位名稱嘅大學——因為哈佛所有學位一定要用拉丁文，直接翻譯「牙科外科博士」（DDS）喺拉丁文度唔太順口，學者們討論咗一輪，最後決定改用意思接近「牙科醫學博士」（Doctor of Dental Medicine, DMD）。

今日，無論你見到係 DDS 定 DMD，其實都係受過正規訓練的牙醫學位，只係歷史傳統同命名方式有少少差別。從 1840 年開始，到而家全世界已有幾百間牙科學院，牙科「學生哥」都成為醫療團隊中不可缺少的一份子。