🦷「洗牙會令牙鬆？」定係「唔洗牙先至危險」？😉

其實洗牙本身唔會令牙齒鬆動，

反而係幫你清走牙石，預防牙周病，令牙齒可以頂得更耐啲吖！

有時洗完牙覺得牙好似「鬆咗」、「縫大咗」，

好多時係因為本身牙石黐咗好耐，

頂住咗牙肉同牙縫位，

一清走牙石，真實嘅牙齦同牙縫先「露真身」，

並唔係洗牙洗壞咗牙，而係牙周問題本來已經喺度。

所以：

 唔係「洗牙令牙鬆」，

而係「唔洗牙，牙石＋牙周病慢慢令牙鬆」。

定期洗牙，就好似幫牙齒做保養，同車入廠保養一樣，

耐唔耐整一整，先可以行得更遠～