🪥😄 牙膏真係有分「大人版」同「小朋友版」㗎！

「大人版」同「小朋友」版唔係淨係味道唔同咁簡單，入面嘅 氟化物含量、磨擦力，同安全設計 都有分別🦷。

點解兒童牙膏要分開用？🧒

👧 氟化物含量唔同

• 兒童牙膏嘅氟化物通常較低，大約500–1,000 ppm；

• 成人牙膏就多數係1,000–1,500 ppm 或以上。

• 因為細路仲未必識完全吐晒牙膏，如果吞得太多氟，有機會令牙齒出現白斑或者紋理改變（即係所謂「氟斑牙」）。

😋 味道設計唔同

• 兒童牙膏多數係水果味、甜甜地，等小朋友肯肯定刷牙先；

• 成人牙膏就偏向薄荷味，清新但刺激感較強，有啲小朋友一試即彈開🌿。

🦷 磨擦力有分別

• 小朋友牙齒嘅琺瑯比較薄，所以兒童牙膏嘅研磨力會設計得溫和啲，

• 減少刮傷牙齒同牙肉嘅風險。

用錯牙膏會點？⚠️

細路長期用成人牙膏：

氟含量偏高、味道太辣，好易抗拒刷牙，亦有機會因為吞咗太多氟而出現「氟斑牙」。

大人長期用兒童牙膏：

氟含量可能不足，對本身容易蛀牙、牙縫多、口腔問題較多嘅成年人，防蛀保護力會「打折扣」。

點樣揀會比較穩陣？✅

🧒 小朋友

• 按年齡同刷牙能力，揀合適氟含量嘅「兒童牙膏」。

• 當佢哋識穩定咁吐牙膏，先慢慢過渡去成人牙膏。

👨‍🦱 大人

• 臨時用下兒童牙膏唔係大問題。

• 如果本身容易蛀牙，記得之後要用返 含足夠氟化物 嘅成人牙膏，先有足夠防蛀效果。

刷牙除咗要刷得啱，用啱牙膏都好重要😉

想全家牙齒都開心，下次買牙膏前，不如睇多一眼標籤啦～